KOLEKSYON NG MGA TULA

PIPASAKA

(Pilipino Para Sa Kapayapaan)

Ni: Vianca Marie Cordero

Maraming naranasan ngayon

Mga problemang kailangan ng solusyon

Problemang hinaharap buong taon

Halina at gumawa ng tulong at aksyon

Doon sa Marawi maraming namatay

Sobrang raming tao ang nadamay

Maute ang grupo na siyang sumalakay

Ang taong bayan sabay-sabay naglumbay

Magiting na sundalo ang siyang lumaban

Para sa pinakamamahal na bayan

Gumamit ng karunungan, kagitingan

Upang makamit gintong kapayapaan

Iaalay an gating dalawang kamay

Kapayapaan ibigay sabay-sabay

Ikaw at ako ang pag-asa ng bayan

Dugo’t pawis agos walang hanggan

Susi Sa Tagumpay

 Ni: Vianca Marie Cordero

Ako’y isang tao na may pangarap

                                                                                                Hihingi ng tulong sa Diyos na may gabay

 Ako’y magsisikap tungo sa tagumpay

Upang makamtan ang ruruk ng tagumpay

Gagawin ko ang aking tungkulin

Hahamakin ang lahat upang tapusin

Upang abutin ang aking mithiin

Sa tulong ng maykapal ng Diyos natin

Ito’y pagtratrabahuhan at pagsikapan

Para sa sarili kong kinabukasan

Iaalay ko ito para sa bayan

Dahil ito ang aking kagustuhan

                                                                   Kung kaya ko lang lumipad

                                                                            Kahit saang lugar man ako mapadpad

                                                                            Kahit na ang mundo natin ay baliktad

                                                                            Basta’t lahat ng pangarap ay matupad

Inang Kalikasan
Ni: Vianca Marie Cordero

O, kalikasan ba’t ka nagkaganyan            

Pasensya na at di ka naalagaan

Iyong yaman ay aming kinabukasan

Bagkus ay dapat natin itong ingatan

O, kalikasan iyong kagandahan

Kami ay nabighani at nagandahan

Iyong ganda ay aming kayamanan

Dapat ay alagaan at ingatan

Naalala ko noong bata pa ako

Kita ko ang tanawin doon sa dulo

Napakaganda at malinis pa ito

O, kalikasan anong nangyari sayo

Ang hanging sariwa bihira na ngayon

Dala ng usok na bunga ng polusyon

Ito’y problemang kailangan ng solusyon

Sanhi na ginawa ng pagkakataon

Karapatan

Ni: Vianca Marie Cordero

Mahirap, oo mahirap pero kakayanin

Kahit na anumang pagsubok ang dumating

Tatayo at magsisikap para sa sarili

Upang matugunan ang minimithi

Kahit na magulang ko’y tutol

Hahamakin ang lahat para sa aking sarili

Masaya, malungkot o kahit ano pa man

Paglalaban ko ang aking karapatan

O, magulang ko sana’y malaman niyo

Na hindi sa lahat ng oras ay nandyan ako

Sana nga’y mabigyan niyo ako ng kalayaan

Dahil ito ang aking kagustuhan

Kung kay ako lang lumipad

Ay nakapunta na ako saan ko man gusto

Basta’t nandyan ang Diyos

Na lagging nakagabay

Bayan Ni Juan

Ni: Vianca Marie Cordero

Pilipinas kong mahal aking bayan

Kapwa Pilipino bilib na bilib ako sainyo

Sana ay pagsikapan niyong mabuti

Upang umunlad ang ating bayan

Sa pamamagitan ng tulungan

Tayo ay magkapit-bisig

Magising sa katotohanan at

Magtiwala sa abot ng makakaya

Pilipinas, o Pilipinas halina’t

Magsimula para sa pagbabago

Magising sa katotohanan

At ipakita mo ang lakas ng loob

Halina mga kababayan tayo na’t

Bumangon at gumawa ng aksyon

Para sa ating bayang minamahal

O, Pilipinas ang ngalan

Paraiso

Ni: Maureen Delos Santos

Kapaligirang punong-puno ng kulay

Upang sa’ting mundo ay magbigay-buhay

Tila isang paraiso kung titignan

Isang paraisong kay sarap pagmasdan

Ngunit sa paglipas ng panahon ito’y

Naaabuso at napapabayaan

Napapansin subalit hinahayaan

Inaabuso sa maraming dahilan

Ang dating malagong kagubatan ngayo’y

Ang kagandaha’y inubos na ng tunay

Bughaw at malilinis na anyong tubig

Marurumi na at di kaaya-aya

Huwag abusuhin Inang Kalikasan

Upang sa huli di ito pagsisihan

Mahalin ito’t matutong alagaan

Nag-iisa lang at di napapalitan

Munting Pangarap

Ni: Maureen Delos Santos

Ang pangarap ang s’yang naging puhunan ko

Upang makamit ang mga mithiin ko

Ang makamit ito’y aking inaantay

Mga pangarap na magbibigay-kulay

Asahang mag-aaral ng buong husay

Upang ang ambisyon ay maabot-kamay

Maging isang mahusay na manggagamot

Ito ang pinakaaasam na tunay

Ang hindi lamang makatulong sa kapwa

Kundi pati rin sa sariling pamilya

Ang pangarap na ninanais nais ko

Talino’t husay ang ipapakita ko

Di alintana ang mga suliranin

Kung pagtitiyaga ang papairalin

Kinakailangan na maging matibay

Para sa huli ay maging matagumpay

Aking Lupang Sinilangan

Ni: Maureen Delos Santos

Isang bansang nagmula sa Asya

Isang bansang arkipelago

Mayroong tatlong malalaking pulo

Mayroong iba’t-ibang dayalekto

Noo’y sinubukang angkinin ng iba

Ngayo’y masasabing atin na atin na

Pilipinas, ito ang aking bansa

Ito ang ating bansa

Aking Munting Tahanan

Ni: Maureen Delos Santos

Dito ay kung saan ako nagkaisip

Dito ay kung saan ako namulat

Kapag aking kapiling ang aking pamilya

Dulot nito’y walang katumbas na ligaya

Kapag sila’y masaya ako’y maligaya

Dahil nagbibigay ito sa akin ng lakas

O aking pamilya pag kayo’y may problema

Wag matakot lumapit sa akin at humingi ng tulong

Mapagkunwari

Ni: Maureen Delos Santos

Mga mamamaya’y tila nagtataka

Kung papaano at saan napupunta

Mga perang binibigay sa gobyerno

Paggamit kaya nila’y tama at wasto

Mga opisyal na mapagbalat-kayo

Nararapat lang mapatanggal sa pwesto

‘Pagkat yumayaman sa maling paraan

Kaban ng baya’y pinagsasamantalhan

Mga mamamaya’y lalong naghihirap

Sapagkat kinukuha’t  ninanakawan

Kung ang dahilan ay pansarili lamang

Paano uunlad itong ating bayan

Perang pinaghirapan ibubulsa lang

Huwag kurakot ang tanging hiling lamang

Ang mga taong-bayan ay nag-aasam

Ng katunayan at ng katotohanan

Mandirigma

Ni: Matthew Roxas

Lumayo sa pamilya para sa bayan

Iniwan ang mahal para sa digmaan

Hinahanap ang Kalingat ng amat ina

Nasasabik ng umuwi saking amat ina

Sa malayong lugar ako ay nag hirap

Pero ang nararamdaman ay masarap

Huminge ako ng tulong sa ating diyos

Sana ang gulo na ito ay matapos

Palagi kong iniisip ang pamilya

Hinahanap paren ang luto ni ina

Hinahanap ko den ang kulit ni ama

Hinahanap ko den ang lambing ng kuya

Ako ay naglingkod bilang sundalo

Ako ay nandito para sa pagbabago

Gabayan ang tanging hiling sa diyos

Gabayan at sana ito ay matapos

Tanawin

Ni: Matthew Roxas

Napaka raming magandang

Tanawin sa ating bansa

Marami naren na mga dayo

Kaya dapat alagaan naten nito

Upang ang mga tanawin

Ay nindi masira kelangan natin alagaan at mahalin ito

Kinabukasan

Ni: Matthew Roxas

Nais kong makapag tapos sa

Pag aaral. Gusto ko matulungan

Ang aking pamilya sa lahat ng

Ginawa nila para saken

Nais kong maging negosyante

Gusto ko gayahin ang akin ama

Madiskarte sa buhay at maala-

Ga sa aming Pamilya

Droga

Ni: Matthew Roxas

Ginagamit ang gamot para sa tao

Gamitin sa tama at wag iabuso

Masama ang epekto nito sa tao

Mag dasal sa diyos at manalangin tayo

Hindi ito daan para sumaya

Pag sasamatsama masayang pamilya

Iwasan nating itong bawal na gamot

Upang walang masama maidulot

Ingatan ang ating mga kabataan

Dahil tayo ay ang pag asa ng bayan

Wag naten sayangin ang buhay sa droga

Wala itong maidudulot na maganda

Hindi pa huli para ikay mag bago

Wag naten subukan ang masamang bato

Mag libang tayo sa mga ibang bagay

Upang maging maayos ang pamumuhay

Ang Nakaraan

Ni: Matthew Roxas

Kung dati tayo ay nag lalaba sa ilog

Ngayon bawal na tayo dito mahulog

Dati kung puno ito ng kasiyahan

Ngayon nababalot na ng kalungkutan

Bayan natin ay ating bigyan pansin

Ang mga basura ay dapat damputin

Pagtulong sa kalikasan bigyan diin

Itoy alagaan natin at mahalin

    

Ating ilog ay puno ng basura

Ang mundo naten ngayon ay dumidilim na

Ang panganib ay paparating na sa mundo

Halinat sabay sabay tayo mag bago

Ang ating kapaligiran ay linisin

Ang mga ilog at sapa ay salain

Itong dumi at polusyon ay pigilin

Tayo nat lumanghap ng sariwang hangin

Korupsyon sa Politika

Ni: Ian Dela Rosa

Ating lipunan tuluyang nasisira

Ang Korupsyon ay malinaw nakikita

Sa politika ito ay kitang kita

Palasak, nakikita ay kahirapan

Ano ba nangyayari sa buong mundo

Pamilya ay patuloy na umiiyak

Kailangan ng mga tao ay magbago

Ngunit tanong sa sarili ay paano

Gobyerno dapat matugunan ang tao

Ngunit, sali rin ay nagbibigay kaso

Mga tao ay patuloy naghihirap

Ang tanging solusyon lang ay pagsisikap

Mga kasalanan ay di maiwasan

Resulta ay pagwasak ng lipunan

Kailangan natin to solusyonan

Para sa kinabukasan ng lipunan

Ganda ng Pilipinas

 Ni: Ian Dela Rosa

Ang Pilipinas ay isang magandang bansa

Maraming magandang tanawin at lupa

Bagama't may mga magagandang tanawin dito

Ay meroong mas gaganda pa.

Dapat ng kasing kulay ng langit

At kasing alat ng asin

Bundok ng kasing taas ng alapaap

At pwede pa itong lakbayin

Bukod man sa maraming magagandang tanawin at dagat

Walang kasing gaganda pa sa isang bahaghari

Prutas at gulay na pwedeng palakihin at kainin

At maginhawa sa katawan.

Sampaguita ay sumisibol sa mga lugar

Mga tao ay nagtatatrabaho ng parang walang bukas

Estudyante ay nag-aaral at tumutulong sa kapwa

Tunay ngang maganda ang pilipinas

Kaibigan

Ni: Ian Dela Rosa

Bilang isang mabuti mong kaibigan

Hindi kita pababayaan kailanman

Ako ay nasa tabi mo lagi

Hindi kita iiwan habang buhay

Dahil ako'y isa mong mabuting kaibigan

Huwag kang matakot na lumuha

Kung ika'y nag iisa palagi,akoy lalapit sayo

Kung ikaw ay nahihirapan,wag ika'y mahiyang sumandal sa akin

Kung paglayuin tayo ng panahon

Pipilitin kong ika'y di limutin

Buong puso kitang tatandain

At buong puso rin kita mamahalin

Kung ako'y lumipas na

Wag kang umiyak para sa akin

Ako ay nasa tabi mo palagi

Sana rin ako'y di mo malimutin

“Kahirapan”

 Ni: Denzel Delgado

Talagang tanyag ang kahirapan dito

Lalo na sa hindi maunlad na bayan

Ang kinakain lamang nila ay puto

Nauubos ang kanilang mga yaman

Ang ating bayan ay lalong naghihirap

Nawawalan ang lahat ng mga sarap

Lahat tayo ngayon ay nahihirapan

Hindi natin dapat ito pababayaan

Dapat gumising sa kamusmusan

Tayo ay dapat ding mag sumikap

Para saating mga kinabukasan

Upang tayo’y magkaron ng hinaharap

Halina’t tulungan ang ating kapwa tao

Lahat tayo’y gumawa ng pagbabago

Sana ay walang taong bumaliwala

Para di umabot ang buhay sa wala

“Pansariling Problema”

Ni: Denzel Delgado

Minsa’y ako’y nagaalinlangan

Kung ang problema ko ay aking sasabihin

Dahil ang aking problema ay parang

Nilalamon ng isang malawak na dagat

Hindi ko alam kung sasabihin ba o hindi

Kahit ang aking kaibigan nagaalinlangan padin

Sa mundong ito walang kati katiwala

Pamilya mo lang ang maasahan

Mayron ding problema sa pagibig

Mahal mo nga pero hindi sigurado

Minsa’y ika’y naloloko

O kay ganda nga naman ng pagibig

Minsay may problema sa pamilya

Ito’y mahirap sabihin sa iba

Maliit man o malaki

Pansariling problema ay laging respetuhin

“Umahon”

Ni: Denzel Delgado

Kay ganda ng kalikasan noon paman

Ngunit ngayon ang panget panget ng tignan

Mga berdeng halama’t bugaw na langit

Bakit sobrang sagwang tignan ngayon bakit?

Anong ginagawa natin ngayon ano?

Bakit puro polusyon nalang at abo

Pano natin lulutasin ito pano?

Mahirap na atang lutasin to D’yos ko

Inang kalikasan ika’y nangagnanib

Natatanging gamot lamang ay pagibig

Sana’y mga tao ay mag sanibsanib

At wala sanang taong uusig

Tara’t Tulungan ang ating kalikasan

Tayo lang din naman ang maaasahan

Wag natin sayangin ang pagkakataon

Tara na’t umarangkada at umahon

“Anong Gagawin Natin?”

 Ni: Denzel Delgado

O pilipinas bakit ka nagkaganyan

Dati ibang iba ka

Ika’y malupit ay mahirap intindihin

Subalit lahat ay gagawin at ikay mamahalin

Dati’y maayos ang Serbisyong Gobyerno

Bakit ngayon may iba na atang plano?

Maniniwala paba sa balibalita?

Baka pati balita ito’y nasusuhol

Dati’y maayos ang ligaw

Ngunit ngayon nadadale nalang sa “sosyal midya”

Dati’y may rosas at may kasamang kanta

Ngunit ngayon nadadale nalang sa salita

Bakit naabot pa sa korupsyon

Dibta tulungan tayo sa bansang ito?

Pero bakit ang iba’y sarili lang iniisip

Ano na ang gagawin natin ngayon?

“Ang Aking Pangarap”

 Ni: Denzel Delgado

Ang pangarap ko’y maging isang dentista

Ngunit may gumugulo sa aking isipan

Kung ako ay sigurado ba o hindi

Susundan ko nalang ito at abutin

Nung bata ako, hindi ko dati ito gusto

Pero ngayon ito’y nagugustuhan ko

Gagawin lahat para ito’y makamit

Kabila nito’y ligayang di malilip

Sabi nga nila tiyaga ang kailangan

Haluhan natin ng sipag at dalangin

Linangin mo ang taglay na kakayanan

Makakamit ko ang magandang hangarin

Gagawin ang lahat para sa pangarap

Para saaking magandang hinaharap

Para sa huli’y makamit ko ang sarap
Para di maranasan ang paghirap